Łavina nakryła 15 alpinistaŭ u Kabardzina-Bałkaryi. Paviedamlajecca pra siem zahinułych
Traich žyvych udzielnikaŭ hrupy evakuiravali viertalotam u špital. Pošuki ŭ harach praciahvajucca.
Łavina syšła sa schiłu hary Mižyrhi vyšynioj 5025 mietraŭ u Biezienhijskaj ciaśninie Kabardzina-Bałkaryi RF.
Pad śnieham apynułasia hrupa z 15 alpinistaŭ.
Uviečary 6 vieraśnia MNS Rasii aficyjna paviedamlała pra dvuch zahinułych i dziesiać čałaviek, los jakich zastavaŭsia nieviadomym.
Traich paciarpiełych viertalotam Mi-8 dastavili ŭ Nalčyk.
Ranicaj 7 vieraśnia rasijskija miedyja paviedamili, što kolkaść zahinułych vyrasła da siami.
Na miescy schodu łaviny pracujuć ratavalniki, pošuki ŭskładniajuć ciažkadastupny reljef i niebiaśpieka novych łavin.