Minčuk skraŭ aŭtamabilnaje siadzieńnie, kab vykarystoŭvać jaho na leciščy
Znajści zładziužku dapamahła pilnaja piensijanierka.
U Partyzanskaje RUUS stalicy miascovy žychar paviedamiŭ pra kradziež aŭtamabilnaha siadzieńnia, jakoje jon nienadoŭha pakinuŭ biez nahladu kala padjezda, piša «Milicyja Minska».
Milicyja ŭstanaviła i zatrymała padazravanaha — 60‑hadovaha minčuka, jaki pracuje trenieram-masažystam u adnym sa spartyŭnych centraŭ Minska.
Paciarpieły vyhruziŭ trochmiesnaje siadzieńnie sa svajho aŭtamabila ŭ dvary doma i nienadoŭha adyšoŭ, pakinuŭšy majomaść biez nahladu. U hety momant u dvor pryjechaŭ fihurant, zahruziŭ siadzieńnie ŭ svoj aŭtamabil i źjechaŭ.
Za tym, što adbyvałasia, z akna svajoj kvatery nazirała piensijanierka. Žančyna paśpieła zapisać rehistracyjny znak aŭtamabila fihuranta i pieradała hetyja źviestki pravaachoŭnikam.
Zatrymany raspavioŭ, što zabraŭ čužuju majomaść vyklučna dla asabistaha karystańnia — płanavaŭ ustalavać siadzieńnie ŭ siabie na leciščy.
Raspačataja kryminalnaja sprava za kradziež. Vykradzienaja majomaść kanfiskavanaja i ŭ bližejšy čas budzie viernutaja zakonnamu ŭładalniku.