Ukrainski kamandujučy asabista pryjechaŭ u horad, pra zachop jakoha zajaviŭ Pucin
Kamandzir 3‑ha armiejskaha korpusa USU Andrej Bilecki asabista pryjechaŭ u Śviatahorsk, tym samym abvierhnuŭšy zajavu prezidenta Rasii i rasijskich vajskoŭcaŭ pra zachop horada.
Andrej Bilecki. Skryn videa
2 vieraśnia Uładzimir Pucin zajaviŭ, što rasijskaja armija nibyta zachapiła Śviatahorsk. Jaho słovy raspaŭsiudzili jak fakt rasijskija dziaržaŭnyja i prapahandysckija miedyja.
Adnak zajavu Pucina nie paćviardžała nivodnaja z asnoŭnych kart bajavych dziejańniaŭ. Pavodle danych DeepState na momant zajavy, najbližejšyja rasijskija pazicyi znachodzilisia prykładna za 9,5 kiłamietra ad horada.
Ciapier Bilecki asabista pryjechaŭ u horad.
«Ja chaču źviarnucca da rasijskaha vajskovaha i vajskova-palityčnaha kiraŭnictva. Vy zdymajcie svaje kłoŭnskija nasy, hetyja paryki roznakalarovyja, nie vyhladajcie durniami. <…> Nu, bačna, što my ŭ broniežylecie, ale špacyravać možna biez usialakich prablem. Dzień, jak bačycie, cichi, pryhožy. Mašyna vo jedzie cyvilnaja», — skazaŭ jon.
Pavodle jaho zajavy, Śviatahorsk znachodzicca ŭ pałasie abarony 60‑j asobnaj miechanizavanaj bryhady 3‑ha armiejskaha korpusa.
«Heta tyłavaja zona našaha korpusa. Tut usio vydatna», — skazaŭ Bilecki.