Minčuk pajšoŭ pracavać da kankurentaŭ i patrabavaŭ ź minułaj pracy miljon rubloŭ za maŭčańnie
Mužčyna pracavaŭ na bujnym pradpryjemstvie pa vytvorčaści kaśmietyki i na praciahu dvuch hadoŭ źbiraŭ infarmacyju pra jaho finansava-haspadarčuju dziejnaść.
Zvolniŭšysia pa ŭłasnym žadańni, jon uładkavaŭsia da kankurentaŭ i vyrašyŭ vykarystać sabranyja źviestki z metaj atrymańnia złačynnaha prybytku, paviedamlaje pres-słužba MUS.
U minułym miesiacy jon pačaŭ šantažavać 35‑hadovuju kiraŭnicu kampanii, patrabujučy za nieraspaŭsiudžvańnie najaŭnych u jaho źviestak miljon rubloŭ.
Padčas čarhovaj sustrečy z paciarpiełaj jaho zatrymali pry siłavoj padtrymcy bajcoŭ «Ałmaza».
Śledčyja raspačali kryminalnuju spravu za vymahalnictva z metaj atrymańnia majomasnaj vyhady ŭ asabliva bujnym pamiery. Mužčynie pahražaje da 15 hadoŭ pazbaŭleńnia voli.