U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
Na GitHub źjaviłasia ekśpierymientalnaja kłavijatura «Saŭdzielnik». Jana analizuje nabrany kamientar abo pošukavy zapyt i papiaredžvaje, jakaja adkaznaść za jaho moža pahražać pavodle rasijskaha zakanadaŭstva, piša «43».
Prahramu raspracavaŭ karystalnik pad nikam MShverdiakov. Pavodle jaho, kłavijatura nie maje dostupu da internetu: madel Qwen pracuje niepasredna na smartfonie, a nabranyja teksty nikudy nie pieradajucca.
Prykładańnie pracuje na Android 9 i naviejšych viersijach. Pravierka tekstu zajmaje ad niekalkich siekund da paŭchviliny — u zaležnaści ad mahutnaści telefona.
Aŭtar papiaredžvaje, što štučny intelekt moža pamylacca: «Heta nie jurydyčnaja kansultacyja. Sapraŭdny sud jašče śmiašniejšy».