Aŭstryjec jechaŭ u Biełaruś ź Litvy z kakainam, schavanym siarod cukierak
Jamu pahražaje da 10 hadoŭ źniavoleńnia.
Hrodzienskaja rehijanalnaja mytnia zaviała kryminalnuju spravu na 35‑hadovaha hramadzianina Aŭstryi, jaki prybyŭ ź Litvy na rejsavym aŭtobusie Kaŭnas — Minsk.
U punkcie propusku «Kamienny Łoh» mužčyna pajšoŭ praź zialony kalidor, tym samym zajaviŭšy, što nie viazie tavaraŭ, jakija treba dekłaravać abo zabaroniena pieramiaščać praź miažu.
Adnak u zale mytnaha afarmleńnia na pasažyra zreahavaŭ słužbovy sabaka.
Padčas pravierki ŭ jaho torbie znajšli miašok z cukierkami, siarod jakich lažali dva skrutki sa sprasavanym biełym rečyvam. Ekśpiertyza pakazała, što heta kakain.
Aŭstryjcu moža pahražać da 10 hadoŭ pazbaŭleńnia voli.