Pad Maładziečnam pjanaha kiroŭcu spyniali strełami
U Maładziečanskim rajonie supracoŭniki miascovaj DPS byli vymušanyja sa stralaninaj spyniać mikraaŭtobus Volkswagen, jakim kiravaŭ pjany mužčyna, paviedamlaje DAI UUS Minskaha abłvykankama.
Skrynšot ź videa
Narad DPS padaŭ kiroŭcu sihnał spynicca, adnak toj praihnaravaŭ patrabavańnie i praciahnuŭ ruch. Inśpiektary pačali pieraśled i nieadnarazova patrabavali spynicca, ale parušalnik sprabavaŭ uciačy.
Milicyjaniery pryniali rašeńnie vykarystać tabielnuju zbroju. Paśla prycelnych strełaŭ pa kołach aŭtamabil spyniŭsia.
Za styrnom znachodziŭsia 39‑hadovy miascovy žychar. U jaho byli vidavočnyja prykmiety ałkaholnaha apjanieńnia. Miedycynski ahlad pakazaŭ 1,4 pramile ałkaholu.
Ciapier mužčynu čakaje pazbaŭleńnie prava kiravańnia transpartnymi srodkami na piać hadoŭ i štraf sumaj 200 bazavych adzinak, što składaje 9 tysiač rubloŭ.
Parušalnika źmiaścili ŭ izalatar časovaha ŭtrymańnia, a aŭtamabil adpravili na stajanku pad achovaj.
Čytajcie taksama:
U Minsku milicyja sa zbrojaj zatrymlivała troch recydyvistaŭ-hastraloraŭ
Na Minščynie pjanaha kiroŭcu spyniali sa strełami
U Dziatłaŭskim rajonie mužčyna zładziŭ prycelnuju stralbu pa darožnych znakach
U Ivacevickim rajonie mužčyna dziela zabavy abstralaŭ ź pnieŭmatyki ravarysta