Pad Barysavam paranili jašče adnaho miadźviedzia. Ludziej prosiać nie chadzić u les

U palaŭničych uhodździach Barysaŭskaj mižrajonnaj arhanizacyi Biełaruskaha tavarystva palaŭničych i rybałovaŭ (BTPR) padčas palavańnia byŭ paranieny ŭžo druhi pa liku miadźviedź. Incydent adbyŭsia ŭ rajonie viosak Chaŭcholica i Niežycy, paviedamlaje «Minskaja praŭda».

Zdymak ilustracyjny. Fota: magnific.com

Paśla ranieńnia miadźviedź schavaŭsia ŭ lesie. Śpiecyjalisty Barysaŭskaha BTPR ciapier viaduć jaho pošuki. Pakolki źvier paranieny i moža pavodzić siabie niepradkazalna, situacyja niebiaśpiečnaja dla ludziej, jakija znachodziacca ŭ lesie.

Miascovych žycharoŭ i ŭsich, chto płanuje naviedać les u hetym rajonie, zaklikajuć časova ŭstrymacca ad takich pachodaŭ. Kali znachodžańnie ŭ lesie nieabchodnaje, rekamiendujecca być asabliva aściarožnymi, nie sychodzić z vyznačanych maršrutaŭ i ŭvažliva sačyć za navakollem.

Kali chtości zaŭvažyć miadźviedzia abo jaho ślady, nieabchodna nieadkładna pakinuć niebiaśpiečnaje miesca i paviedamić pra heta ŭ Barysaŭski adździeł BTPR abo MNS.

Pošuki paranienaj žyvioły praciahvajucca.

Raniej, 8 žniŭnia, padčas palavańnia ŭ hetym ža rajonie byŭ paranieny jašče adzin miadźviedź. Jon taksama zdoleŭ schavacca ŭ lesie.

Kamientary da artykuła