Ukraincy nanieśli ŭdar pa rasijskim samalocie ŭ Krymie
Ukrainskaja vajskovaja raźviedka paviedamiła, što ŭnačy 7 vieraśnia jaje apieratary nanieśli ŭdar pa rasijskim samalocie na terytoryi časova akupavanaha Kryma.
Skrynšot ź videa
Apieracyju praviali supracoŭniki Departamienta aktyŭnych dziejańniaŭ Hałoŭnaha ŭpraŭleńnia raźviedki Ministerstva abarony Ukrainy. Pavodle infarmacyi raźviedki, dakładnaja stupień paškodžańnia samalota pakul vyśviatlajecca. Jaho typ i padrabiaznaści apieracyi nie raskryvajucca.
U HUR nazvali hetu ataku svojeasablivym padarunkam da Dnia vajskovaj raźviedki Ukrainy.
Napiaredadni, 4 vieraśnia, ukrainskaje śpiecpadraździaleńnie Group 13 taksama paviedamiła pra źniščeńnie rasijskaha bierahavoha rakietnaha kompleksu «Bastyjon» u Krymie. Akramia taho, 2 vieraśnia i ŭ noč na 3 vieraśnia ŭ Sievastopali ŭkrainskija siły ŭdaryli pa desantnym katary BK-16 i stancyi radyjoelektronnaj baraćby.
Čytajcie taksama:
U Kurskaj vobłaści sutyknulisia dva rasijskija źniščalniki Su-35S
Va Ukrainie raspracavali technałohiju dla źniščeńnia rasijskich «Banderolaŭ»