Украінцы нанеслі ўдар па расійскім самалёце ў Крыме
Украінская вайсковая разведка паведаміла, што ўначы 7 верасня яе аператары нанеслі ўдар па расійскім самалёце на тэрыторыі часова акупаванага Крыма.
Скрыншот з відэа
Аперацыю правялі супрацоўнікі Дэпартамента актыўных дзеянняў Галоўнага ўпраўлення разведкі Міністэрства абароны Украіны. Паводле інфармацыі разведкі, дакладная ступень пашкоджання самалёта пакуль высвятляецца. Яго тып і падрабязнасці аперацыі не раскрываюцца.
У ГУР назвалі гэту атаку своеасаблівым падарункам да Дня вайсковай разведкі Украіны.
Напярэдадні, 4 верасня, украінскае спецпадраздзяленне Group 13 таксама паведаміла пра знішчэнне расійскага берагавога ракетнага комплексу «Бастыён» у Крыме. Акрамя таго, 2 верасня і ў ноч на 3 верасня ў Севастопалі ўкраінскія сілы ўдарылі па дэсантным катары БК-16 і станцыі радыёэлектроннай барацьбы.
Чытайце таксама:
У Курскай вобласці сутыкнуліся два расійскія знішчальнікі Су-35С
Ва Украіне распрацавалі тэхналогію для знішчэння расійскіх «Бандэроляў»