Bazu adpačynku z hłempinham u Červieńskim rajonie pradajuć amal za miljon dalaraŭ
Bazu adpačynku «Siamja» za 65 kiłamietraŭ ad Minska vystavili na prodaž za 2,6 miljona rubloŭ, što składaje kala 850 tysiač dalaraŭ, piša vydańnie Office Life.
Fota: «IPM-Tarhi»
Abjava źjaviłasia na placoŭcy «IPM-Tarhi». Baza raźmieščanaja ŭ vioscy Viedryca Červieńskaha rajona i pazicyjanujecca jak hatovy biznes-prajekt.
U łot uvachodziać piać budynkaŭ ahulnaj płoščaj 920,6 kvadratnaha mietra i ziamielny nadzieł płoščaj kala 7 hiektaraŭ. Prykładna 3 hiektary terytoryi zajmaje les.
Na bazie jość try adnapaviarchovyja karpusy, dvuchpaviarchovy dom adpačynku i post achovy. Adzin z karpusoŭ užo całkam hatovy i prymaje haściej. Akramia taho, na terytoryi ŭstalavanyja čatyry hłempinh-kupały.
Jašče adna pieravaha abjekta — plaž daŭžynioj kala 100 mietraŭ na bierazie raki Karpiłaŭki.
Čytajcie taksama:
Muravanku Chraptovičaŭ pad Navahrudkam pradali za dźvie bazavyja adzinki
Siadzibu Hrabnickich pad Ušačami kuplali ŭžo dvojčy — i voś jana znoŭ na aŭkcyjonie za adnu bazavuju
U vioscy na Hrodzienščynie možna kupić pałovu vulicy za 315 rubloŭ