U vioscy na Hrodzienščynie možna kupić pałovu vulicy za 315 rubloŭ
U vioscy ŭ Hrodzienskaj vobłaści možna kupić adrazu siem pustujučych damoŭ pa 45 rubloŭ kožny. Možna ŭziać adzin ci dva, a možna stać bujnym ziemleŭładalnikam, kupiŭšy amal pałovu vulicy ŭsiaho za 315 rubloŭ. Realt raskazvaje, što heta za vioska i jak vyhladajuć amal biaspłatnyja chaty.
Pustujučyja damy «optam» pradajucca ŭ vioscy Doŭhaja. Heta Hrodzienskaja vobłaść, 12 kiłamietraŭ ad Ščučyna. U navakolli šmat histaryčnych słavutaściaŭ, pobač Nioman i Lipičanskaja pušča. Adlehłaść da Minska — 205 kiłamietraŭ.
Vioska zajmaje davoli vialikuju terytoryju, u jaje skład uvachodzić ź dziasiatak chutaroŭ. Zabudova razredžanaja — damy stajać na prystojnaj adlehłaści adzin ad adnaho. Aficyjna pustujučymi pryznanyja 7 chat. Jašče ŭ dačynieńni da troch zapuščany praces pošuku pravaŭładalnikaŭ, heta značyć, u ich užo nichto nie žyvie, vyhladajuć jany biezhaspadarnymi.
Nazvy ŭ vulicy niama, tamu budziem aryjentavacca pa numarach. Pačniom z doma №3. Jon davoli vialiki — 88 kvadratnych mietraŭ. Pabudavany ŭ 1964 hodzie. Abšyty vahonkaj, na dachu šyfier. Učastak — 41 sotka. Jość niekalki chlavoŭ.
Dom №3A — 50 kvadratnych mietraŭ, pabudavany ŭ 1930 hodzie. Ziamli dastatkova — 30 sotak.
Nastupny dom za 45 rubloŭ — pad numaram 12A. Jon samy «małady» z pustujučych — pabudavany ŭ 1975 hodzie, z błokaŭ. Franton cahlany, dach šyfierny. Ahulnaja płošča — 70 kvadratnych mietraŭ. Da jaho prykładajecca cełych 50 sotak ziamli.
Dalej pa vulicy znachodzim dom №15. Jon pabudavany ŭ 1940 hodzie, ahulnaja płošča — 45 kvadratnych mietraŭ. U dadatak — chleŭ, sklep i 35 sotak.
Dom №21 užo pierasiahnuŭ 100‑hadovy ŭzrost, ale jašče maje vyhlad, dach, zdajecca, ceły. Ahulnaja płošča — 44 m². Ziamli 30 sotak, z chlavami, sklepam i kałodziežam.
Dom pad numaram 43 — heta ŭžo sapraŭdny chutar, adździeleny ad asnoŭnaj vioski lesam. Pabudavany ŭ 1945 hodzie, ahulnaja płošča — 56 kvadratnych mietraŭ. Jość chleŭ i kałodziež. Učastak — 51 sotka.
Jašče adzin varyjant za 45 rubloŭ znachodzicca ŭ kancy vioski pad numaram 62. Pabudavany ŭ 1956 hodzie, 60 kvadratnych mietraŭ. Ziamli šmat — 60 sotak.
Luby z hetych damoŭ moža stać vašym za adnu bazavuju. Ale pry ŭmovie, što bolš nichto nie padaść na jaho zajavu ŭ miascovy sielsaviet — Arleŭski. U takim vypadku daviadziecca patarhavacca na aŭkcyjonie.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary
Nu a miaściny tam najvydatniejšyja. Nie tak šmat turystaŭ, ale šmat pryhožaha navakolla i histaryčnaj spadčyny.
Tiepieŕ nazad, ostatki možno viernuť TOLKO ZA ODNU BAZOVUJU za ciełyje majontki.