Rasijanie atakujuć pasažyrskija ciahniki va Ukrainie
Rasijskija vojski nanieśli prycelnyja ŭdary pa pasažyrskich ciahnikach Dniapro — Zaparožža i Kijeŭ — Sumy. Pasažyraŭ paśpieli evakujavać.
Ciahnik Kijeŭ — Sumy rasijanie atakavali bieśpiłotnikam u Sumskaj vobłaści. Pasažyry zahadzia pakinuli vahony ŭ supravadžeńni supracoŭnikaŭ «Ukrzaliźnicy». Ratavalniki patušyli pažar i evakujavali 90 čałaviek. Pavodle papiarednich źviestak, nichto nie paciarpieŭ.
Ciahnik Dniapro — Zaparožža taksama zahadzia spynili paśla taho, jak vajskoŭcy i čyhunačniki zaŭvažyli pahrozu. Pasažyraŭ evakujavali ŭ schovišča.
Paśla ataki źnikła suviaź z adnoj z pravadnic. Pavodle vidavočcaŭ, padčas niebiaśpieki jana viarnułasia da vahonaŭ. Na miescy praciahvajucca pošukava-vyratavalnyja raboty.