Cichanoŭskaja: Viartańnie Pačobuta nie značyć, što niešta źmianiłasia dla ŭsich
Demakratyčnaja lidarka ŭ svaim telehram-kanale vykazałasia pra pryjezd Andžeja Pačobuta ŭ Biełaruś.
«Andžej Pačobut viarnuŭsia ŭ Biełaruś. I, dumaju, kožny, chto viedaje jaho historyju, razumieje, kolki mužnaści staić za hetym rašeńniem. Časam navat va ŭmovach dyktatury čałaviek časam moža advajavać dla siabie maleńkuju prastoru svabody — dziakujučy ŭłasnaj stojkaści i mižnarodnaj padtrymcy. Ja vielmi rada, što Andžej ciapier u Biełarusi i moža być doma.
Ale važna nie rabić z hetaha vysnovu, što ŭ krainie niešta źmianiłasia dla ŭsich. Represii praciahvajucca: ludziej zatrymlivajuć, zavodziać kryminalnyja spravy, cisnuć na rodnych, vyklikajuć u KDB. Dla tych, chto maje ryzyku pieraśledu, viartańnie pa-raniejšamu moža być niebiaśpiečnym.
Historyja Andžeja — vielmi asablivaja. Takija ludzi natchniajuć svajoj vytrymkaj i hieraizmam. I siońnia hałoŭnaje — kab jon byŭ u biaśpiecy. I spadziajusia, što jon hetak ža svabodna zmoža vyjechać», — napisała Śviatłana Cichanoŭskaja.