Padčas schodu łaviny ŭ Kabardzina-Bałkaryi zahinuli supracoŭniki Rashvardyi, ale nie śpiecnazaŭcy
Siarod alpinistaŭ, jakija zahinuli paśla schodu łaviny 6 vieraśnia ŭ Biezienhijskaj ciaśninie ŭ Kabardzina-Bałkaryi, byli supracoŭniki Rashvardyi, paćvierdzili ŭ samim viedamstvie.
Skrynšot ź videa
Raniej blizkija da siłavikoŭ telehram-kanały paviedamlali, što zahinułyja byli vajskoŭcami Centra śpiecyjalnaha pryznačeńnia «Viciaź». U Rashvardyi, adnak, hetuju infarmacyju abviarhajuć i zajaŭlajuć, što zahinułyja nie słužyli ŭ «Viciazi».
Siłaviki pravodzili ŭ harach vučebnyja zbory razam z 70‑hadovym Albiertam Izotavym, jaki šmat hadoŭ zajmaŭsia hornaj padrychtoŭkaj vajskoŭcaŭ. Jon taksama zahinuŭ. Pra heta paviedamiła jaho žonka Volha.
Łavina nakryła hrupu z 33 alpinistaŭ. Zahinuli 12 čałaviek, jašče šaściora paciarpiełych byli dastaŭlenyja ŭ balnicy, a dziesiać čałaviek zmahli spuścicca samastojna. Los jašče piaci čałaviek pakul nieviadomy.
Ratavalnyja raboty ŭskładniajucca niebiaśpiečnym reljefam miascovaści i ryzykaj paŭtornaha abvalvańnia śniežna-ledzianoj masy.
Čytajcie taksama:
Pad łavinaj u Kabardzina-Bałkaryi zahinuli 13 rasijskich śpiecnazaŭcaŭ
Łavina nakryła 15 alpinistaŭ u Kabardzina-Bałkaryi. Paviedamlajecca pra siem zahinułych
Paciapleńnie robić hory niestabilnymi. Ci pahražajuć abvały ledavikoŭ Alpam?