Aryna Sabalenka vyjšła ŭ paŭfinał US Open

U Ńju-Jorku praciahvajecca apošni ŭ hetym siezonie turnir sieryi «Vialikaha šlema» US Open — 2026. Pieršaja rakietka śvietu, biełaruskaja tenisistka Aryna Sabalenka, praciahvaje paśpiachova vystupać u žanočym adzinočnym razradzie.

Aryna Sabalenka. Fota: Robert Prange / Getty Images

U čverćfinale Sabalenka ŭ napružanym matčy ŭ troch setach pieramahła šostuju rakietku śvietu z Čechii Lindu Noskavu — 7:6 (7:1), 3:6, 7:6 (10:7). Sustreča praciahvałasia 2 hadziny 22 chviliny.

U paŭfinale biełaruska sustreniecca ź pieramožcaj amierykanskaha supraćstajańnia pamiž Džesikaj Piehułaj, jakaja zajmaje treciaje miesca ŭ suśvietnym rejtynhu, i Emaj Navara, jakaja znachodzicca na 27‑j pazicyi.

Sioletni US Open praciahniecca da 13 vieraśnia. U 2024 i 2025 hadach čempijonkaj turniru ŭ Ńju-Jorku stanaviłasia akurat Aryna Sabalenka.

Kamientary da artykuła