Za niebiaśpiečny trend z sacsietak biełarusam pahražajuć štrafami
MUS papiaredziła biełarusaŭ pra prablemy, jakija moža prynieści apošnim časam papularny, ale niebiaśpiečny trend — padpalvańnie haručaj vadkaści na asfalcie ŭ vyhladzie ličbaŭ z uzrostam imianińnika. Takija videa časta zdymajuć dziela publikacyi ŭ sacsietkach, adnak za heta možna atrymać nie vinšavańni, a štraf.
Fota: 102.Nieman / Telegram
Padpał na darozie paškodžvaje asfalt i pakidaje ślady, jakija składana vydalić. Akramia taho, na videa zvyčajna zastajucca data, miesca zdymki i ŭzrost udzielnika, što moža stać dokazam dla milicyi.
Za takija dziejańni praduhledžvajecca adkaznaść pavodle niekalkich artykułaŭ. Za paškodžańnie darožnaha pakryćcia možna atrymać štraf ad 2 da 5 bazavych vieličyniaŭ plus abaviazak apłacić ramont darohi. Parušeńnie pravił pažarnaj biaśpieki karajecca štrafam da 30 bazavych, a drobnaje chulihanstva — štrafam, hramadskimi rabotami abo aryštam.
U vypadku naŭmysnaha źniščeńnia abo paškodžańnia majomaści mahčymaja i kryminalnaja adkaznaść — až da 10 hadoŭ pazbaŭleńnia voli.
MUS taksama nahadvaje pra ryzyku dla zdaroŭja. Bienzin, śpirt i haza vielmi lohka zaharajucca, a kirunak połymia pry ŭspyšcy niepradkazalny. Moža zaharecca adzieńnie abo telefon čałavieka, jaki zdymaje videa. Dym i ahoń kala darohi zdolnyja adciahnuć uvahu kiroŭcaŭ i spravakavać avaryju.
Čytajcie taksama:
U Maładziečnie mieścič stralaŭ ź pnieŭmatyčnaha pistaleta pa voknach doma
U Viciebsku para zaniałasia seksam na kapocie mašyny na vačach školnikaŭ i ŭładalnika aŭto
U Łahojskim rajonie chłopiec spjana padpaliŭ sałamianuju fihuru, pastaŭlenuju da «Dažynak» VIDEA
Minski školnik zabaŭlaŭsia, kidajučy na hałovy dzieciam pakiety z vadoj