U Novarasijsku drony atakavali mazutny terminał. Uspychnuŭ bujny pažar
Terminał uvachodzić u skład Novarasijskaha marskoha handlovaha porta — najbujniejšaha marskoha porta Rasii pa abjomach pieravałki.
Kala apoŭnačy žychary Novarasijska paviedamlali pra huki pralotu dronaŭ, pracu rasijskaj supraćpavietranaj abarony i vybuchi.
Mer Novarasijska paćvierdziŭ uźniknieńnie pažaru, ale śćviardžaŭ, što ŭzharańni adbylisia praz padzieńnie abłomkaŭ. Nazvu atakavanaha pradpryjemstva mer nie nazvaŭ, jak i nie paviedamiŭ pra maštaby razbureńniaŭ abo najaŭnaść paciarpiełych.
Pavodle danych Dnipro Osint, udar byŭ naniesieny pa abjektach partovaha kompleksu, u vyniku čaho paškodžany jak minimum adzin reziervuar mazutnaha terminała.
TAA «Novarasijski mazutny terminał» źjaŭlajecca adnym ź viadučych pradpryjemstvaŭ Novarasijskaha transpartnaha vuzła, jaki ŭvachodzić u skład Novarasijskaha marskoha handlovaha porta — najbujniejšaha marskoha porta Rasii pa abjomach pieravałki.
Terminał śpiecyjalizujecca na zachoŭvańni i pieravałcy mazutu i śvietłych naftapraduktaŭ, a jaho prapusknaja zdolnaść składaje kala 4 miljonaŭ ton u hod.