Koŭł pajedzie ŭ Minsk u nastupny paniadziełak

Śpiecyjalny pasłańnik Trampa Džon Koŭł płanuje znoŭ naviedać Biełaruś. Vizit pačniecca 14 vieraśnia.

Fota AP

Pra heta paviedamiŭ  vašynhtonski karespandent Radyjo Svabodnaja Jeŭropa/ Radyjo Svaboda Aleks Raŭfohłu sa spasyłkaj na dźvie infarmavanyja krynicy.

U žniŭni Džon Koŭł u intervju New York Times zajaviŭ, što nieŭzabavie čakaje vyzvaleńnia biełaruskich palitviaźniaŭ. Potym było paviedamlena pra mahčymy vizit u siaredzinie vieraśnia.

Nahadajem, što ŭ vyniku vizitaŭ amierykanskaj delehacyi i zachadaŭ amierykanskaj administracyi byli vyzvalenyja bolš za 470 čałaviek. U tym liku vyzvalalisia vialikija hrupy: 21 červienia 2025 hoda — 14 palitviaźniaŭ, 11 vieraśnia — 51 čałaviek, 13 śniežnia — 123 čałavieki, 19 sakavika 2026 hoda — 250 čałaviek.

Zaraz, pavodle pravaabaroncaŭ, u Biełarusi 890 palitviaźniaŭ.

Kamientary da artykuła