Pamočnik Pucina nazvaŭ pryjarytetnuju dla Rasii placoŭku dla pieramovaŭ z Ukrainaj
Pryjarytetnaj placoŭkaj dla pieramovaŭ pa ŭrehulavańni situacyi va Ukrainie rasijski bok ličyć Abu-Dabi ŭ AAE, zajaviŭ pamočnik prezidenta Rasii Juryj Ušakoŭ, piša RBK.
Juryj Ušakoŭ i Uładzimir Pucin. Fota: Contributor / Getty Images
«Našy pradstaŭniki sustrakalisia, naprykład, u Abu-Dabi, całkam možna praciahnuć sustrakacca i tam», — skazaŭ Ušakoŭ.
Pavodle słoŭ pamočnika kiraŭnika rasijskaj dziaržavy, kantakty z ukrainskim bokam u hety momant jość.
«Ale ciapier havorka idzie pra adnaŭleńnie pieramoŭnaha pracesu z Ukrainaj, jaki raniej mieŭ miesca. I heta my taksama abmiarkoŭvali z amierykanskimi kalehami, tak što, mahčyma, hety praces adnovicca ŭ trochbakovym farmacie», — adznačyŭ Ušakoŭ.