Kali ŭ biełaruskich škołach buduć kanikuły
1 vieraśnia ŭ biełaruskich škołach pačaŭsia novy navučalny hod. U toj ža čas Ministerstva adukacyi zaćvierdziła hrafik čverciaŭ, pavodle jakoha školnikaŭ čakajuć vosieńskija, zimovyja, viasnovyja i letnija kanikuły.
Zdymak ilustracyjny. Fota: «Zaria»
Vosieńskija kanikuły praciahnucca 8 dzion — z 1 pa 8 listapada 2026 hoda.
Zimovyja buduć samymi praciahłymi na praciahu navučalnaha hoda — 17 dzion. Adpačynak zapłanavany z 25 śniežnia 2026 hoda pa 10 studzienia 2027 hoda.
Viasnovyja kanikuły praciahnucca 8 dzion — z 21 pa 28 sakavika 2027 hoda ŭklučna.
Zvyčajnyja letnija kanikuły składuć 92 dni — z 1 červienia pa 31 žniŭnia 2027 hoda. Dla vučniaŭ, jakija skončyli navučańnie na druhoj stupieni ahulnaj siaredniaj adukacyi, adpačynak budzie karaciejšym — 81 dzień, z 12 červienia pa 31 žniŭnia.
Dla vučniaŭ 8‑ch kłasaŭ kadeckich vučyliščaŭ, suvoraŭskaha vučylišča, śpiecyjalizavanych licejaŭ, a taksama dla dziesiacikłaśnikaŭ praduhledžany letni adpačynak praciahłaściu 87 dzion — z 6 červienia pa 31 žniŭnia 2027 hoda.
Akramia taho, u treciaj čverci buduć dadatkovyja kanikuły dla vučniaŭ 1‑ch i 2‑ch kłasaŭ, a taksama niekatorych vučniaŭ 3‑ch kłasaŭ. Jany projduć z 15 pa 21 lutaha 2027 hoda i buduć doŭžycca 7 dzion.
U novym navučalnym hodzie taksama płanujecca ŭvieści niekalki novych fakultatyvaŭ. Dla vučniaŭ 3‑ch i 4‑ch kłasaŭ prapanujuć kurs «Vučymsia razumieć siabie i inšych», a dla školnikaŭ 5— 7‑ch kłasaŭ — «Vučymsia dapamahać sabie i inšym».
Čytajcie taksama:
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni
Biełaruska adpraviła syna na letnija kanikuły ŭ Čalabinsk. A babula vyrašyła nie viartać dzicia
Biełaruska adkryła škołu dla ślapych dziaciej u indyjskaj hłybincy