BČ abnaviła servis «Anłajn-tabło»: ruch ciahnikoŭ možna adsočvać u realnym časie
Biełaruskaja čyhunka zapuściła abnoŭlenuju viersiju servisu «Anłajn-tabło», jaki dazvalaje pasažyram atrymlivać aktualnuju infarmacyju pra ruch ciahnikoŭ, piša ahienctva «Minsk-Naviny».
Zdymak ilustracyjny. Fota: «Naša Niva»
Ciapier na aficyjnych resursach BČ u režymie realnaha času možna sačyć za rucham pasažyrskich ciahnikoŭ na 23‑ch stancyjach i prypynačnych punktach.
Servis taksama pakazvaje numar płatformy, ź jakoj adpraŭlajecca ciahnik, paradak numaracyi vahonaŭ — ad hałavy ci chvasta sastava — i mahčymyja adchileńni ad raskładu ŭ vypadku spaźnieńnia.
Infarmacyja ŭ «Anłajn-tabło» sinchranizavanaja ź infarmacyjnaj sistemaj čyhunačnych vakzałaŭ. U BČ adznačyli, što i nadalej buduć raźvivać ličbavyja servisy, kab zrabić pajezdki bolš zručnymi dla pasažyraŭ.
Čytajcie taksama:
1 vieraśnia na Homielščynie byŭ zboj u pracy pasažyrskich ciahnikoŭ. Pryčynaj staŭ vybuch u Rasii