«Biełavija» zapuściła mahčymaść anłajn-viartańnia kvitkoŭ

Avijakampanija «Biełavija» dadała na svaim sajcie mahčymaść samastojna aformić dobraachvotny zvarot avijakvitka praź internet. Ciapier dla hetaha nie treba źviartacca ŭ ofis abo kantakt-centr.

Zdymak ilustracyjny. Fota z sacsietak

Kab viarnuć kvitok, ciapier možna zajści na sajt «Biełavija» ŭ raździeł «Status braniravańnia» i nacisnuć knopku «Viarnuć».

Adnak anłajn-viartańnie dastupnaje tolki dla tych braniravańniaŭ, u jakich i kvitok, i dadatkovyja pasłuhi byli aformlenyja niepasredna praz sajt avijakampanii. Kali choć adna z pasłuh nabyvałasia inšym sposabam, viarnuć kvitok praź internet nie atrymajecca.

Suma, jakuju pasažyr atrymaje nazad, raźličvajecca ŭ adpaviednaści z umovami taryfu, pavodle jakoha byŭ nabyty kvitok.

Kamientary da artykuła