Mientusava pryjšła na Vieniecyjanski kinafiestyval u kimano ź imionami palitźniavolenych žančyn FOTAFAKT

Viadučaja Maryna Mientusava pryjšła na premjeru filma «Listy z maŭklivaj krainy» Andreja Kuciły na Vieniecyjanskim kinafiestyvali i skarystała hetu mahčymaść dla taho, kab nahadać pra los biełaruskich palitźniavolenych. 

Fota: t.me/marinamentusova

Maryna Mientusava sama mieła dačynieńnie da hetaha filma — jaje hołasam tam havoryć byłaja palitźniavolenaja Kasia Budźko, jakuju asudzili pa «spravie studentaŭ». 

«Siońnia suśvietnaja premjera Letters Andreja Kuciły projdzie na Vieniecyjanskim kinafiestyvali. I ja pryjšła tudy nie adna — sa mnoj imiony Kasi i inšych žančyn-palitźniavolenych. Spadziajusia, jany adnojčy projduć pa hetaj čyrvonaj darožcy sami», — napisała Mientusava.

Fota: t.me/marinamentusova

Kimano dla viadučaj, na jakim napisanyja imiony palitźniavolenych u Biełarusi žančyn, stvaryła biełaruskaja dyzajnierka Volha Kardaš (KARDASH).

Praca nad poŭnamietražnaj dakumientalnaj stužkaj «Listy z maŭklivaj krainy» Andreja Kuciły praciahvałasia bolš za piać hadoŭ. Jana raskazvaje pra tonkuju, ale tryvałuju suviaź biełaruskich palitźniavolenych z rodnymi praz mury turmy — pra toje, jak heta suviaź trymajecca praź listy. Stužka stvorana mižnarodnaj kamandaj Polščy, Hiermanii i Litvy.

Kamientary da artykuła