Biełčyhunka abnaviła anłajn-tabło
Biełaruskaja čyhunka abnaviła servis «Anłajn-tabło». Pasažyry mohuć u režymie realnaha času pahladzieć numar płatformy, daviedacca paradak numaracyi vahonaŭ i pravieryć, ci nie zatrymlivajecca ich ciahnik.
Fota: Lookby.Media
Aktualnyja źviestki dastupnyja na aficyjnych resursach BČ dla 23 stancyj i prypynačnych punktaŭ.
U servisie možna zahadzia daviedacca, ź jakoha boku pačynajecca numaracyja vahonaŭ — z hałavy ci chvasta sastavu. Heta dapamoža pasažyru vyznačyć, u jakoj častcy płatformy lepš čakać svoj vahon jašče da prybyćcia ciahnika.
Kali ciahnik poźnicca, infarmacyja pra spaźnieńnie taksama adlustroŭvajecca na anłajn-tabło.
Źviestki servisu sinchranizavanyja ź infarmacyjnymi sistemami vakzałaŭ. Tamu infarmacyja na ličbavym tabło i niepasredna na vakzale abnaŭlajecca z adnoj sistem.