Dyrektara «Kamunarki» asudzili na siem hadoŭ za karupcyju
Siarhiej Aniuchoŭski byŭ členam Savieta Respubliki. A jašče raniej tam ža zasiadaŭ i jaho baćka.
Byłoha hienieralnaha dyrektara «Kamunarki» Siarhieja Aniuchoŭskaha pryznali vinavatym u pieravyšeńni ŭłady i słužbovych paŭnamoctvaŭ (č. 3 art. 426 KK), a taksama ŭ atrymańni chabaru ŭ bujnym pamiery (č. 2 art. 430 KK). Viarchoŭny sud prysudziŭ 7 hadoŭ kałonii i 45 tysiač rubloŭ štrafu.
Pretenzii da Aniuchoŭskaha ŭ tym, što jon zahadaŭ padnačalenym unieści ŭ biznes-płan prajekta pa pierapracoŭcy kakava-baboŭ zahadzia iłžyvyja źviestki. Maŭlaŭ, viedaŭ, što prajekt budzie pravalny, ale, kab atrymać hrošy ź inavacyjnaha fondu Minharvykankama, pieradaŭ padroblenyja dakumienty.
A pastaŭščyk abstalavańnia dla pierapracoŭki kakava-baboŭ za heta daŭ adkat Aniuchoŭskamu i jaho žoncy.
Pra zatrymańnie dyrektara «Naša Niva» paviedamlała viasnoj 2024 hoda. Jaho tady źmiaščali ŭ śledčy izalatar, ale napiaredadni Usiebiełaruskaha narodnaha schodu, delehatam jakoha jon byŭ pryznačany, vyzvalili.
Na «Kamunarcy» byli ŭpeŭnienyja, što Aniuchoŭskaha ŭratavaŭ status delehata UNS. Taksama jon byŭ u 2019‑2024 hadach členam Savieta Respubliki.
Akazałasia, usio ž nie ŭratavaŭ.
Jaho baćka Anatol Aniuchoŭski ŭznačalvaŭ Tałačynski kansiervavy zavod i taksama byŭ členam Savieta Respubliki.