U Homieli mužčynu sudzili za toje, što 10 hadoŭ niezakonna chadziŭ na pracu

Hamialčuk aficyjna aformiŭ na siabie dohlad za maci, ale padaŭ u kamisiju pracoŭnuju knižku ź niedakładnymi źviestkami. Adnoj z umoŭ pryznačeńnia dapamohi była adsutnaść inšaj pracy, adnak mužčyna schavaŭ toj fakt, što praciahvaŭ pracavać, piša vydańnie «Biełka».

Zdymak ilustracyjny. Fota: «Naša Niva»

Paśla pryznačeńnia vypłaty mužčyna atrymlivaŭ jaje amal dziesiać hadoŭ. Adnak pravierka paźniej pakazała, što ŭvieś hety čas homielec mieŭ pracu, a za atrymanyja ad dziaržavy hrošy najmaŭ dla maci siadziełku.

Sud pryznaŭ mužčynu vinavatym u machlarstvie, učynienym u bujnym pamiery. Jamu pryznačyli dva hady abmiežavańnia voli biez nakiravańnia va ŭstanovu adkrytaha typu, a taksama štraf u pamiery 30 bazavych vieličyń.

Usie naniesienyja dziaržavie straty — bolš za 16 tysiač rubloŭ — mužčyna ŭžo kampiensavaŭ.

Kamientary da artykuła