U Litvie žyvie 48 tysiač hramadzian Biełarusi
Hetaja kolkaść źmianšajecca.
Na 1 vieraśnia 2026 hoda ŭ Litvie — 227 tysiač zamiežnikaŭ z dakumientami na pražyvańnie. Heta na 9 932 čałavieki bolš, čym u pačatku hoda (+4,6%). Za žnivień kolkaść pavialičyłasia na 2 807 čałaviek, piša «Vołna» sa spasyłkaj na Departamient mihracyi.
Najbolšaja hrupa — ukraincy, ich u Litvie žyvie 80 312 čałaviek. Zatym iduć biełarusy — 47 872 čałavieki. Kolkaść hramadzian Biełarusi z pačatku hoda skaraciłasia na 2 414 čałaviek (−4,8%), za žnivień ich stała mienš na 411 čałaviek.
Inšyja hrupy:
- hramadzian Rasii — 13 272;
- Uźbiekistana — 12 617;
- Indyi — 9 441;
- Tadžykistana — 7 473;
- Filipin — 5 612;
- Kyrhyzstana — 4 711;
- Azierbajdžana — 4 543;
- Kazachstana — 3 837.
Adnačasova kolkaść hramadzian Uźbiekistana z pačatku hoda vyrasła amal na 20%, Indyi — na 19%. Hramadzian Filipinaŭ stała bolš čym udvaja: 5 612 suprać 2 734 u studzieni.