Samalot u Rasii ekstranna sieŭ praź niedachop paliva. Jon lacieŭ praz Kazachstan z-za bieśpiłotnikaŭ
Samalot avijakampanii «Pobieda» ekstrana sieŭ u Samary z-za niedachopu paliva. Rejs z Uładzikaŭkaza ŭ Maskvu zatrymali ŭžo bolš čym na 14 hadzin.
Bort z zatrymkaj vylecieŭ u 23:35, a praz try hadziny byŭ vymušany sieści ŭ aeraporcie Kurumoč — usio z-za krytyčnaha astatku paliva paśla taho, jak piłotam daviałosia lacieć praz Kazachstan z-za abvieščanaj u rehijonach niebiaśpieki bieśpiłotnikaŭ, piša Mash.
U Samary pasažyry amal try hadziny siadzieli na svaich miescach u avijałajniery, paśla čaho im dazvolili vyjści ŭ aeraport. Vylet u Maskvu spačatku pryznačyli na 07:50, paźniej pieranieśli na 15:00.
Charčavańnie — vadu i sasisku z makaronami — ludziam vydali tolki praz 13 hadzin čakańnia. Načleh avijakampanija nie pradastaŭlała.