Upieršyniu ŭ biełaruskim futbole budzie prymienieny VAR
Jon budzie ŭpieršyniu ŭžyty ŭ hetu niadzielu na matčy «Dynama» Minsk — «Dynama» Brest.
Raniej u čempijanacie Biełarusi hetaja sistema nie vykarystoŭvałasia, piša «Biełaruski futboł».
VAR — heta sistema videafiksacyi parušeńniaŭ abo sprečnych momantaŭ, kali śpiecyjalnaja bryhada hladzić matč i pry najaŭnaści takich momantaŭ sihnalizuje hałoŭnamu suddździ, kab toj spyniŭ hulniu. Časta heta pryvodzić da admieny hałoŭ, kali tyja byli zabityja z parušeńniem praviłaŭ.
Što ŭjaŭlaje saboj hetaja sistema ŭ Biełarusi? Heta pieraabstalavany mikraaŭtobus Citroën, jaki budzie padklučacca da PTS-stancyj. Usia nieabchodnaja infarmacyja budzie pastupać na sierviery, apracoŭvacca, a zatym vyvodzicca na manitory. Sačyć za imi budzie śpiecyjalna padrychtavanaja sudziejskaja bryhada.
Jak raskazali padčas pres-kanfierencyi ŭ Biełaruskaj fiederacyi futboła, płanujecca, što sistema videapaŭtoraŭ budzie zadziejničana na adnym-dvuch klučavych matčach kožnaha tura čempijanatu. 10 z 15 stadyjonaŭ Vyšejšaj lihi ŭžo hatovyja da pracy ź videapaŭtorami. Płanujecca, što na matčach buduć zadziejničany 14 kamier.
«Dynamaŭskaje derbi» adbudziecca 13 vieraśnia na Nacyjanalnym stadyjonie ŭ Minsku, pačatak u 20:10.