Akazvajecca, Kola Łukašenka słužyć u armii
U zvańni lejtenanta, zajaviŭ Alaksandr Łukašenka.
Fota: Vyacheslav Prokofyev, Sputnik, Kremlin Pool Photo via AP
Kola Łukašenka słužyć u armii, piša BiełTA.
«Małodšy syn užo słužyć u armii. Nichto navat i nie viedaŭ. [ministr abarony] Viktar [Chrenin] pryzvaŭ. Słužyć u armii, jak i naležyć, jak usie. Lejtenant. Nie budu kazać dzie, ale ŭ samym składanym padraździaleńni», — skazaŭ Alaksandr Łukašenka.
Łukašenka adznačyŭ, što adnačasova Mikałaj u volny čas praciahvaje vyvučać bijatechnałohii — asnoŭny profil, pa jakim jon atrymlivaŭ adukacyju va ŭniviersitecie, jaki, praŭdapadobna, skončyŭ sioleta.
Raniej sioleta Kola Łukašenka nie raz traplaŭ u abjektyŭ fota– i videakamier padčas zamiežnych pajezdak Alaksandra Łukašenki. Jon jak vykonvaŭ rolu achoŭnika, tak i ŭdzielničaŭ u aficyjnych sustrečach. Apošni raz heta było ŭ Biškieku 31 žniŭnia — 1 vieraśnia hetaha hoda.
Kola Łukašenka ŭ Biškieku, 31 žniŭnia 2026. Fota Vyacheslav Prokofyev, Sputnik, Kremlin Pool Photo via AP