Łukašenka zaklikaŭ nie trymać zapasy ŭ dalarach
«Kamu dalar siońnia patrebny? Užo nikomu nie patrebny», — miarkuje jon.
Pry ciapierašniaj palitycy ZŠA trymać dalary ŭ reziervie niebiaśpiečna, lepš inviestavać ich ciapier u kankretnyja prajekty. Pra heta Alaksandr Łukašenka zajaviŭ žurnalistam, dzielačysia padrabiaznaściami niadaŭniaj sustrečy z rasijskim biznesmienam Uładzimiram Pataninym, piša BiełTA.
«Najbahaciejšy čałaviek u Rasii. Jon hatovy inviestavać. Adzinaje, pra što my tearetyčna razvažali, — siońnia biełarusy bačać i inšaje: kamu dalar siońnia patrebny? Užo nikomu nie patrebny»,— zajaviŭ palityk.
Jon pryvioŭ u prykład Rasiju, jadziernuju dziaržavu, u jakoj na Zachadzie zabłakavali niekalki sotniaŭ miljardaŭ dalaraŭ zołatavalutnych reziervaŭ. «Možna ŭjavić, što budzie z… Niachaj prabačać mnie Arabskija Emiraty, našy siabry, u jakich prykładna tryljon. Što jany buduć rabić z hetymi dalarami? Usie bačać palityku, jakuju pravodziać ZŠA ŭ finansavaj śfiery. Trymać u reziervie dalary niebiaśpiečna», — skazaŭ Alaksandr Łukašenka.