Rumynija ŭchvaliła raspracoŭku bujnoha radovišča mahniju, kab vycieśnić Kitaj ź jeŭrapiejskaha rynku
Z Kitaja pastupaje 97 pracentaŭ mahniju.
Rumynija ŭchvaliła raspracoŭku radovišča, jakoje źmiaščaje bolš za 50 młn ton mahnijźmiaščalnaj parody. Prajekt pavinien źnizić zaležnaść Jeŭropy ad pastavak z Kitaja, adkul ciapier pastupaje kala 97% mahniju, jaki vykarystoŭvajecca ŭ ES, piša Bild.
Zdabytuju syravinu płanujuć pierapracoŭvać u rumynskim horadzie Selište, dzie chočuć vyrablać hidraksid mahniju i vysokačysty aksid mahniju. Paźniej prajekt mohuć pašyryć da vytvorčaści mietaličnaha mahniju.
Vykanaŭca prajekta Mineral Proiect Invest SA aceńvaje nieabchodnyja inviestycyi prykładna na €400 młn. Dla transpartavańnia syraviny kampanija płanuje vykarystoŭvać kanatnuju darohu i elektryčnyja samazvały, kab źnizić vykidy, šum i kolkaść pyłu.
Prajekt adpaviadaje stratehii ES u śfiery krytyčnaj syraviny: da 2030 hoda Jeŭrapiejski sajuz choča zdabyvać unutry błoka nie mienš za 10% hadavoj patreby ŭ stratehičnych resursach i pierapracoŭvać nie mienš za 40%.