U Francyi syšoŭ z rejek pasažyrski ciahnik, padobna da dyviersii
Uviečary 11 vieraśnia ŭ Francyi pasažyrski ciahnik syšoŭ z rejek paśla sutyknieńnia ź nieviadomym pradmietam. Palicyja paviedamiła, što na čyhunačnych puciach byŭ znojdzieny frahmient rejki, tamu adnoj z asnoŭnych viersij rasśledavańnia stała mahčymaja dyviersija.
Incydent adbyŭsia niedaloka ad horada Kleon na poŭnačy Francyi. U ciahniku znachodzilisia bolš za 180 pasažyraŭ. U vyniku zdareńnia paciarpieli 44 čałavieki. Adna žančyna była špitalizavanaja ŭ ciažkim stanie, astatnija atrymali lohkija traŭmy.
Avaryja pryviała da surjoznych pierabojaŭ u ruchu ciahnikoŭ na niekalkich napramkach. Prablemy ŭźnikli, u pryvatnaści, na linii pamiž Ruanam i Kanam, a taksama pamiž Kanam i Haŭram u abodvuch kirunkach.
Uviečary 11 vieraśnia na paryžskim vakzale Sien-Łazar zatrymlivalisia ciahniki, jakija prybyvali z Ruana i Haŭra. Zatrymki dasiahali troch hadzin.
Ranicaj 12 vieraśnia ruch na linii Paryž — Ruan adnaviŭsia, adnak na inšych učastkach čyhunačnaj sietki ŭsio jašče dziejničali abmiežavańni.
Čytajcie taksama:
U Polščy ciahnik syšoŭ z rejek paśla sutyknieńnia z hruzavikom — paciarpieli dziasiatki ludziej
U Polščy ŭ zabłakavanuju na čyhunačnym pierajeździe furu na chutkaści ŭlacieŭ ciahnik VIDEA
Niamieckija ŚMI nazvali imia biełarusa, jakoha padazrajuć u padrychtoŭcy terakta ŭ Lejpcyhu
U Hiermanii zatrymali dyviersanta, padazravanaha ŭ atakach na enierhasietki Hiermanii