U Polščy ciahnik syšoŭ z rejek paśla sutyknieńnia z hruzavikom — paciarpieli dziasiatki ludziej
U Mazavieckim vajavodstvie Polščy pasažyrski ciahnik sutyknuŭsia z hruzavikom-bietonamiašałkaj na čyhunačnym pierajeździe, paśla čaho syšoŭ z rejek. U avaryju trapiŭ mižharodni ciahnik kampanii Intercity, jaki ruchaŭsia ź Lublina ŭ Ščecin, piša Onet.pl.
Paśla sutyknieńnia z hruzavikom sastaŭ, jaki składaŭsia z łakamatyva i šaści vahonaŭ, syšoŭ z rejek.
Na momant avaryi ŭ ciahniku znachodzilisia kala 120 pasažyraŭ. Pavodle papiaredniaj infarmacyi, paciarpieli nie mienš za 20 čałaviek. Čatyry paciarpiełyja znachodzilisia ŭ ciažkim stanie. Paśla stała viadoma, što ŭ vyniku avaryi adna ź ciažka paranienych pasažyrak, jakaja jechała ŭ pieršym za łakamatyvam vahonie, pamierła.
Viadoma, što ciažkija paškodžańni atrymali mašynist ciahnika i kiroŭca hruzavika.
Śledstva papiarednie ŭstanaviła, što mienavita bietonamiašałka ŭrezałasia ŭ ciahnik, jaki ŭ hety momant znachodziŭsia ŭ ruchu. Čyhunačny pierajezd nie maje šłahbaumaŭ, ale abstalavany śvietłavoj i hukavoj sihnalizacyjaj. Pakul vyśviatlajecca, čamu kiroŭca nie spyniŭsia pierad pierajezdam. Pa słovach namieśnika ministra infrastruktury Polščy, kiroŭca zajaviŭ, što jaho mahło aślapić sonca.
Pasažyrka ciahnika raskazała, što pierad avaryjaj adčuła vielmi mocnaje tarmažeńnie i rezkaje razhojdvańnie vahona. Pavodle jaje słoŭ, pasažyry chutka zrazumieli, što ciahnik moža syści z rejek. Ratavalniki i miedyki prybyli na miesca ŭžo praź niekalki chvilin. Dziejańni ekstrannych słužbaŭ byli dobra skaardynavanyja i paniki siarod ludziej nie ŭźnikła.
U vyniku rasijskaha ŭdaru pa ciahniku Charkaŭ — Izium paranienyja siem čałaviek
1 vieraśnia na Homielščynie byŭ zboj u pracy pasažyrskich ciahnikoŭ. Pryčynaj staŭ vybuch u Rasii
Rasijanie atakujuć pasažyrskija ciahniki va Ukrainie
U Polščy ŭ zabłakavanuju na čyhunačnym pierajeździe furu na chutkaści ŭlacieŭ ciahnik VIDEA
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary