Na «Dažynkach» Minskaha rajona zładzili vystavu žančyn-pieradavic u čornych ramkach FOTAFAKT

Adnu z tematyčnych placovak siońniašnich «Dažynak» Minskaha rajona ŭ ahraharadku Ščomyślica pryśviacili Hodu biełaruskaj žančyny. Jak užo nie pieršy raz u takich vypadkach byvała, uražańnie ŭźnikaje krychu dziŭnaje. 

U Ščomyślicy arhanizavali fotavystavu, na jakoj pradstaŭlenyja žančyny — žycharki Minskaha rajona, jakija siońnia pracujuć abo raniej pracavali ŭ sielskahaspadarčych pradpryjemstvach. Siarod hieraiń vystavy — žyviołavody, ahranomy i zaatechniki.

Arhanizatary padkreślivajuć, što heta nie prosta fotavystava, a svojeasablivaja padziaka žančynam, jakija vybrali niaprostuju, ale vielmi važnuju pracu ŭ sielskaj haspadarcy.

Adnak ža afarmleńnie vystavy, kali partrety žančyn vystaŭlenyja ŭ ramach žałobnaha čornaha koleru, stvaraje nie vielmi pazityŭny nastroj. 

Kamientary da artykuła