«Abhaniaju inamarku, dzieŭki mlejuć za vuhłom». Na «Dažynkach» u Smalavičach na scenie śpiavaŭ namieśnik kiraŭnika rajona
Pieśniu pryśviacili traktaru «Biełarus».
Dźmitryj Bahdanovič śpiavaje na «Dažynkach». Skrynšot videa: krai_smaliavitski / Instagram
Na kancercie ŭ honar «Dažynak» u Smalavičach śpiavaŭ pieršy namieśnik staršyni rajvykankama Dźmitryj Bahdanovič.
Jon vykanaŭ pieraroblenuju pieśniu «Malinavaja Łada» — hałoŭnym pradmietam zachapleńnia zamiest «Łady» staŭ traktar «Biełarus». «Abhaniaju inamarku, dzieŭki mlejuć za vuhłom», — śpiavaŭ čynoŭnik.
48‑hadovy Dźmitryj Bahdanovič zajmaje ciapierašniuju pasadu z 2025 hoda. Jon kuryruje pytańni ahrapramysłovaha kompleksu, lasnoj haspadarki, achovy navakolnaha asiarodździa. Da Smalavickaha rajvykankama pracavaŭ u Navukova-praktyčnym centry NAN Biełarusi pa žyviołahadoŭli.