Čamu čapli stajać na adnoj nazie?
U takoj pozie ptuška moža navat spać.
Šeraja čapla. Fota: poshyk.info
Čamu čapli stajać na adnoj nazie? Pryčyn takich pavodzin niekalki.
Pa-pieršaje, tak čapla źmianšaje stratu ciapła. Padcisnuŭšy adnu nahu pad apiareńnie, jana skaračaje płošču cieła, praź jakuju sychodzić enierhija. Pa-druhoje, joj tak prosta zručna. Śpiecyjalny pryrodny miechanizm u sustavach fiksuje padniatuju kaniečnaść biez myšačnych namahańniaŭ. Mnohija bałotnyja ptuški pieryjadyčna mianiajuć apornuju nahu padčas adpačynku, raskazvaje «Smartpres».
Urešcie, čapla moža spać jak na adnoj nazie, tak i na dźviuch. Usio zaležyć ad tempieratury, nadvorja i ŭłasnaha stanu.
Padčas snu ptuška ŭciahvaje šyju, chavaje doŭhuju dziubu ŭ piory na hrudziach abo pad kryło i zachoŭvaje ŭstojlivaje stanovišča dziakujučy asablivaj budovie suchažyllaŭ i sustavaŭ.
Muskułam nie prychodzicca pastajanna pracavać, kab utrymlivać cieła. Tamu čapla moža pravodzić u takim stanoviščy šmat hadzin zapar.