Sabalenka adstaje ŭ suśvietnym rejtynhu na dźvie tysiačy bałaŭ
Viktoryja Azaranka pakinuła rejtynh-list.
Aryna Sabalenka, fota Robert Prange / Getty Images
Paśla skančeńnia US Open abnaviŭsia suśvietny rejtynh tenisistak, Pieramožca turniru pradstaŭnica Kazachstana Alena Rybakina maje 9901 bał.
Aryna Sabalenka, što prajhrała Rybakinaj finał i straciła 2000 rejtynhavych bałaŭ, naličanych za pieramohu na turniry letaś, maje 7875 bałaŭ. Adstavańnie ad Aleny składaje 2026 bałaŭ.
Sabalenka była pieršaj rakietkaj śvietu bieśpierapynna 99 tydniaŭ, z 19 vieraśnia 2024 hoda. Ale sioleta straciła pieravahu. Apošnija turniry, jakija jany vyjhrała, byli ŭ sakaviku, heta byŭ «soniečny dubl»: pieramohi na turnirach u Indyjan-Uełsie i Majami.
U Džesiki Piehuły 7265 bałaŭ, Kako Haŭf — 7244, Miry Andrejevaj — 5743.
Viktoryja Azaranka pakinuła rejtynh-list.
Reč u tym, što ŭ suśvietny rejtynh uklučajucca tenisisty, jakija hulajuć ciaham hoda, a Viktoryja apošni matč zhulała 29 žniŭnia 2025 hoda. Azaranka była pieršaj rakietkaj śvietu ŭ 2012 i 2013 hadach.