«MŁ Viciebsk» raźvitaŭsia z trecim trenieram za siezon
U adstaŭku padaŭ rasijski śpiecyjalist Filip Sakalinski.
«Siońnia pryjšła para pacisnuć mocnuju, mužnuju ruku Filipa Alaksandraviča Sakalinskaha, jaki pryniaŭ rašeńnie pakinuć pasadu hałoŭnaha treniera «Maksłajna». My pavažajem vaša rašeńnie, Sanyč, i dziakujem za pracu na karyść kłuba. U toj ža čas nie sumujem, bo Filip Sakalinski zastajecca ŭ struktury kłuba i praciahnie pracavać u žoŭta-zialonych kolerach», — paviedamlaje pres-słužba kłuba.
Heta adstaŭka ŭžo treciaha treniera za siezon-2026 u čempijona krainy pa futbole.
Pačynaŭ siezon kłub ź Michaiłam Marcinovičam, jakoha zvolnili ŭ kancy krasavika. Potym kłub uznačaliŭ rasijski śpiecyjalist Mahamied Adzijeŭ, jakoha zvolnili ŭ kancy červienia pierad pačatkam jeŭrakubkaŭ.
U sioletnim čempijanacie «MŁ» idzie na druhim miescy, sastupajučy čatyry bały lidaru «Isłačy», ale majučy matč u zapasie. U apošnich piaci hulniach kłub tolki raz pieramoh, a čatyry pajadynki zhulaŭšy ŭničyju, pryčym učora z «Dniaprom», što idzie na pieradapošnim miescy.
U jeŭrakubkach vylecieŭ u trecim raŭndzie Lihi kanfierencyj.