Hrodzieniec znajšoŭ u lesie staryja snarady, jakija ŭraśli ŭ drevy
Žychar Hrodna padčas pachodu pa hryby znajšoŭ u lesie čatyry artyleryjskija snarady časoŭ Druhoj suśvietnaj vajny, piša UUS Hrodzienskaha abłvykankama.
Mužčyna adpraviŭsia na «cichaje palavańnie» ŭ lasny masiŭ kala aharodninnaj fabryki. Na adnoj z palan jon zaŭvažyŭ niezvyčajnyja stvały dreŭ. Pryhledzieŭšysia, zrazumieŭ, što niepasredna ŭ ich znachodziacca čatyry 152‑milimietrovyja snarady.
Miarkujecca, što padčas bajavych dziejańniaŭ bojeprypasy pakinuli na ziamli i źlohku prysypali. Ź ciaham času pra ich zabylisia, a les, jaki vyras na hetym miescy, svaimi karaniami i stvałami pastupova padniaŭ snarady ź ziamli.
Miesca znachodki ačapili, a paśla sapiory vajskovaj čaści 5522 vyvieźli snarady i źniščyli ich.
Padobny vypadak u Hrodnie adbyŭsia šeść hadoŭ tamu. Padčas rekanstrukcyi kazarmaŭ na vulicy Praletarskaj bojeprypas taksama znajšli niepasredna ŭ stvale tapoli.
Čytajcie taksama:
U Oršy rybak znajšoŭ u vadzie revalvier, prydatny dla stralby
U Hrodzienskim rajonie ŭ rečcy znajšli snarady časoŭ Druhoj suśvietnaj vajny
U Pinskim rajonie małady mužčyna zahinuŭ ad vybuchu bojeprypasu časoŭ Druhoj suśvietnaj vajny