Źniali z pasady hałoŭnaha milicyjaniera Viciebščyny
Pałkoŭnika milicyi Maksima Subotu vyzvalili ad pasady načalnika ŭpraŭleńnia ŭnutranych spraŭ Viciebskaha abłvykankama. Adpaviedny ŭkaz 14 vieraśnia padpisaŭ Alaksandr Łukašenka.
Maksim Subota
Subotu taksama zvolnili sa słužby ŭ orhanach unutranych spraŭ pa ŭzroście. Pry hetym jamu dazvolena nasić ustanoŭlenuju formu i znaki adroźnieńnia.
Maksim Subota byŭ pryznačany na hetuju pasadu mienš čym paŭtara hoda tamu, u krasaviku 2025 hoda. Pierad tym jon usiu karjeru zrabiŭ na Brestčynie — spačatku ŭ Kobrynie, a paśla ŭ abłasnym centry. U sakaviku 2020 hoda jon zaniaŭ pasadu namieśnika načalnika UUS Bresckaha abłvykankama, adkul praź piać hadoŭ pajšoŭ na pavyšeńnie ŭ Viciebsk.
Čytajcie taksama:
Ministerstva adukacyi: Milicejskaje śćviardžeńnie pra štrafy za prahuły dziećmi ŭrokaŭ — poŭny fejk
U Viciebsku para zaniałasia seksam na kapocie mašyny na vačach školnikaŭ i ŭładalnika aŭto