U zbornaj Biełarusi pa mastackaj himnastycy ŭpieršyniu za 30 hadoŭ pamianiałasia hałoŭnaja trenierka
Hałoŭnaj trenierkaj nacyjanalnaj zbornaj Biełarusi pa mastackaj himnastycy pryznačyli Luboŭ Čarkašynu. Na hetaj pasadzie jana źmianiła Irynu Laparskuju, jakaja ŭznačalvała biełaruskuju zbornuju ažno z 1996 hoda.
Luboŭ Čarkašyna
Z pracaj Iryny Laparskaj źviazanyja najbolš jarkija pośpiechi biełaruskaj mastackaj himnastyki. Za hady trenierskaj dziejnaści jana padrychtavała niekalki pakaleńniaŭ spartsmienak vysokaha ŭzroŭniu, jakija paśpiachova vystupali na mižnarodnych spabornictvach. Siarod jaje najbolš viadomych vychavanak — alimpijskaja čempijonka jašče Sieuła-1988 Maryna Łobač, pryziorki Alimpijskich hulniaŭ Ina Žukava, Julija Raskina, Luboŭ Čarkašyna, Alina Harnaśko i inšyja.
Iryna Laparskaja
Novaja trenierka Luboŭ Čarkašyna sama źjaŭlajecca adnoj z najbolš paśpiachovych biełaruskich himnastak. Na Alimpijadzie 2012 hoda ŭ Łondanie jana zavajavała bronzavy miedal. Akramia taho, u jaje kalekcyi jość šmat uznaharod čempijanataŭ śvietu i Jeŭropy.
Čytajcie taksama:
«MŁ Viciebsk» raźvitaŭsia z trecim trenieram za siezon
Što viadoma pra chakiejnaha sudździu, zatrymanaha pa padazreńni ŭ zabojstvie ciažarnaj minčanki
Byłoha treniera zbornaj Biełarusi pa baskietbole dyskvalifikavali na piać hadoŭ