Pucin pieranios kłub «Vałdaj» z Sočy ŭ Padmaskoŭje praz pahrozu ŭkrainskich atak
U Sočy Pucin nie byvaŭ z kastryčnika minułaha hoda.
Anastasia Barashkova Pool Photo via AP
Udzielniki štohadovaha pasiadžeńnia kłuba «Vałdaj» daviedalisia pra źmienu miesca praviadzieńnia kanfierencyi ŭ žniŭni, paviedamlajuć krynicy Financial Times. Pieršapačatkova jany atrymali zaprašeńni ŭ Sočy — jašče ŭ 2025 hodzie pasiadžeńnie kłuba tradycyjna prachodziła tam.
Pavodle słoŭ dvuch surazmoŭcaŭ FT, rašeńnie ab pieranosie było pryniataje pa nastojvańni prezidenckaj słužby biaśpieki. Vydańnie adznačaje, što Pucin nie byŭ u Sočy ź minułaha kastryčnika (jakraz tady, kali prachodziła papiaredniaje pasiadžeńnie «Vałdaja»), a za apošnija dva hady pryjazdžaŭ tudy tolki dvojčy na hod. Pry hetym u 2021 hodzie jon naviedaŭ Sočy 24 razy.
Pieranos miesca praviadzieńnia štohadovaj sustrečy dyskusijnaha kłuba «Vałdaj» u apošni momant staŭ «čarhovym śviedčańniem rostu pahrozy», jakuju ŭjaŭlajuć dalokija ŭdary Ukrainy.
Na sajcie mierapryjemstva paznačana, što XXIII štohadovaje pasiadžeńnie Mižnarodnaha dyskusijnaha kłuba «Vałdaj» projdzie z 28 vieraśnia pa 1 kastryčnika ŭ Maskoŭskaj vobłaści.