Razam z Koŭłam u Minsk pryjechaŭ amierykanski čynoŭnik, jaki zamianiŭ Krysa Śmita
U składzie amierykanskaj delehacyi, jakaja prybyła ŭ Minsk, znachodzicca Krystafier Paníka.
Paníka siadzić źleva ad Koŭła
Pavodle infarmacyi Reform.news, hety čynoŭnik u pieramovach ź biełaruskim režymam zamianiŭ Krysa Śmita, jaki letam pakinuŭ pasadu namieśnika pamočnika dziaržsakratara ZŠA pa Uschodniaj Jeŭropie.
Panika trapiŭ na fota pres-słužby ŭrada. Jon idzie pobač z kiraŭnikom KDB Ivanam Ciercielem.
Krystafier Paníka — karjerny amierykanski dypłamat. Jaho ciapierašniaja pasada Dziarždepartamientam publična nie ŭkazvajecca. Pra jaho bekhraŭnd kaža toje, što raniej Panika zajmaŭ pasadu namieśnika dyrektara Upraŭleńnia raźviedvalnych apieracyj i nahladu Biuro raźviedki i daśledavańniaŭ (INR) Dziarždepartamienta.
Jon pracavaŭ u Minsku jašče ŭ misii ABSIE, a zatym viarnuŭsia tudy ŭžo jak amierykanski dypłamat i ŭ 2010—2012 hadach byŭ palityka-ekanamičnym supracoŭnikam i kiraŭnikom adpaviednaha kirunku pasolstva ZŠA.
Panika maje reputacyju vydatnaha ekśpierta pa Biełarusi i rehijonie.
Cikava, što ŭ 2000 hodzie jaho navat vypadkova zatrymali na vulicy stalicy i pratrymali niekalki hadzin razam z zatrymanymi na Dzień Voli demanstrantami.