Archieołahi raskryli mahutny padmurak zachodniaj ściany połackaj Safii

Archieołahi padčas daśledavańniaŭ kala Safijskaha sabora ŭ Połacku znajšli mahutny cahlany padmurak zachodniaj viežy, jaki sychodzić na hłybiniu 3,6 mietra. Daśledavańni pravodzić ekśpiedycyja Połackaha dziaržaŭnaha ŭniviersiteta imia Jeŭfrasińni Połackaj pierad pačatkam maštabnaj restaŭracyi chrama, piša Times.by.

Z asabistaha archiva Alaksieja Koca

Jak raskazaŭ archieołah, staršy vykładčyk kafiedry historyi i sacyjalna-humanitarnych navuk PDU Alaksiej Koc, kala zachodniaj viežy zakłali dva šurfy. Daśledčyki chacieli vyśvietlić, na jakoj hłybini znachodzicca padmurak pomnika i na jaki hrunt jon abapirajecca.

Z asabistaha archiva Alaksieja Koca

U vyniku vyjaviłasia vielmi masiŭnaja cahlanaja kanstrukcyja, jakaja dachodzić da hłybini 3,6 mietra. Pa słovach archieołaha, heta śviedčyć pra surjoznaść kanstruktyŭnych rašeńniaŭ, vykarystanych pry budaŭnictvie.

Z asabistaha archiva Alaksieja Koca

Padčas archieałahičnych rabot daśledčyki znajšli roznyja staražytnyja cahliny-plinfy z vyjavami i znakami. Siarod inšych znachodak — nievialiki ŭnijacki nahrudny kryž XVIII stahodździa, huzik XIX stahodździa, savieckija maniety, frahmienty kieramičnaha posudu i inšyja artefakty.

Z asabistaha archiva Alaksieja Koca

Raniej ekśpiedycyja Połackaha dziaržaŭnaha ŭniviersiteta ŭžo vyjaviła kala Safijskaha sabora frahmienty ściany XII stahodździa.

Safijski sabor ciapier aktyŭna daśledujuć pierad restaŭracyjaj. U mai Nacyjanalny Połacki historyka-kulturny muziej-zapaviednik abviaściŭ tendar na praviadzieńnie restaŭracyjnych rabot.

Restaŭracyjnyja i ramontnyja raboty ŭ Safijskim sabory zapłanavanyja na 2026—2028 hady.

Kamientary da artykuła