Va Ukrainie raźvitalisia z zahinułym biełaruskim dobraachvotnikam Cichanam «Francam» Klukačom
Cichan zahinuŭ 9 maja na limanskim kirunku. Prablemy z evakuacyjaj i praceduraj apaznańnia zaciahnuli raźvitańnie na čatyry miesiacy.
Raźvitańnie prajšło ŭ niadzielu.
«13 vieraśnia pabracimy z 60‑j Inhuleckaj bryhady zaprasili nas na apošniaje raźvitańnie z Francam. Cichan — hieroj i śvietły voin ukrainskaj dy biełaruskaj nacyjaŭ. Tamu pad sklapieńniami raźvitańnia hučali Malitva ŭkrainskaha nacyjanalista i Zarok biełaruskaha vajara, himn Ukrainy i śviataja «Pahonia», — paviedamiŭ Biełaruski dobraachvotnicki korpus u svaim telehram-kanale.
Pačesnaja varta addała naležnaje hieroju trojnym załpam, a pradstaŭnicy, jakuju zahadzia vyznačyŭ Cichan, pieradali nacianalnyja ściahi Biełarusi, Ukrainy i štandar 60 AmBr, u składzie jakoj słužyŭ Cichan.
Fota: BDK