Pa spravie Biełaruskaha fondu spartyŭnaj salidarnaści na 9 hadoŭ asudzili Siarhieja Vysockaha
Jaho zatrymali ŭ kancy minułaha hoda.
Siarhieja Vysockaha, pa infarmacyi «Viasny», zatrymali 11 śniežnia 2025 hoda i abvinavacili ŭ stvareńni ekstremisckaha farmavańnia (abo ŭdziele ŭ im) i dyskredytacyju Biełarusi. Jon prachodzić pa spravie Biełaruskaha fonda spartyŭnaj salidarnaści.
U vieraśni jaho asudzili na 9 hadoŭ pazbaŭleńnia voli. Vysocki pryznany palitviaźniem.
55‑hadovy Siarhiej Vysocki ŭ pačatku 2000‑ch byŭ zasnavalnikam i kiraŭnikom «Biełaruskaj partyi svabody» — małalikaj supołki, što vystupała z radykalnych pazicyj i, miarkujučy pa ŭsim, była ad pačatku infiltravanaja śpiecsłužbami.
Kryminalnaja sprava suprać fondu rasśledujecca z 2021 hoda, nahadvaje «Trybuna». U śniežni 2022‑ha ŭ Minsku zavočna asudzili zasnavalnicu fonda Alaksandru Hierasimieniu i vykanaŭčaha dyrektara Alaksandra Apiejkina da 12 hadoŭ kałonii kožnaha.