Byłoha prezidenta Kosava Chašyma Tačy asudzili na 25 hadoŭ
Jaho pryznali vinavatym u vajennych złačynstvach.
Fota: Ferdi Limani / Getty Images
Śpiecyjalny sud pa Kosavie pryznaŭ jaho i jašče traich padsudnych vinavatymi ŭ advolnym zatrymańni, žorstkim abychodžańni, katavańniach i zabojstvach padčas vajny 1998‑1999 hadoŭ, piša Bi-bi-si.
58‑hadovy Tačy prysudžany da 25 hadoŭ źniavoleńnia, jaho saŭdzielniki — da terminaŭ ad 13 da 25 hadoŭ.
Pry hetym sud nie paličyŭ dastatkovym dokazy viny Tačy ŭ złačynstvach suprać čałaviečnaści i pryznaŭ jaho nievinavatym pa hetym punkcie abvinavačvańnia.
Svaju vinu Tačy nie pryznaŭ.
Jon byŭ adnym z zasnavalnikaŭ i kiraŭnikoŭ Armii vyzvaleńnia Kosava. Paśla abviaščeńnia niezaležnaści Kosava ad Sierbii Tačy zajmaŭ va ŭradzie častkova pryznanaj krainy pasadu premjer-ministra, pieršaha namieśnika premjer-ministra i ministra zamiežnych spraŭ.
Z 2016 pa 2020 hod Tačy byŭ prezidentam Respubliki Kosava. Jon padaŭ u adstaŭku paśla taho, jak śpiecyjalnaja prakuratura pa Kosavie vystaviła jamu abvinavačvańni, z tych časoŭ byŭ pad vartaj u Haazie.