U Minsku na mahile Alaksandra Miadźviedzia adkryli pomnik
Siońnia znakamitamu barcu Alaksandru Miadźviedziu spoŭniłasia b 88 hadoŭ.
U hety dzień na Uschodnich mohiłkach sabralisia jaho siabry, kalehi i spartsmieny, a na mahile lehiendarnaha barca adkryli pomnik, piša Onliner.by.
Manumient ujaŭlaje saboj biust maładoha Alaksandra Miadźviedzia, la padnožža jakoha pakazanyja sceny baraćby.
Aŭtar pomnika — biełaruski skulptar Kanstancin Kaściučenka, jaki stvaryŭ «Bramu pamiaci» ŭ miemaryjalnym kompleksie «Traścianiec».
Alaksandr Miadźviedź — trochrazovy alimpijski čempijon pa volnaj baraćbie. Jon siem razoŭ stanaviŭsia čempijonam śvietu i byŭ pryznany najlepšym barcom XCh stahodździa.
Paśla zaviaršeńnia karjery Miadźviedź doŭhi čas zajmaŭsia trenierskaj pracaj, byŭ spartovym funkcyjanieram, a ŭ 2004 hodzie staŭ ściahanoscam zbornaj Biełarusi na Alimpijadzie ŭ Afinach. Jaho nie stała 2 vieraśnia 2024 hoda.